Kuchh Pal Zindagi Mein….
Hai Kuchh Din Ki Yeh Zindagi…..
Jee Le Isse Gale Se Laga Ke….
Muskurahaton Ko Chheen Ke
Khushiyon Ko Saath Bhaga Ke…
Inn Vadiyon Mein Kahin Kho Jaa…
Hai Kuchh Pal Iss Zindagi Mein…
Inhe Jee Bhar Ke Jiye Jaa….
Ek Seher Kisi Dost Ke Saath…
Ek Lamha Kisi Khaas Ke Saath…
Sambhal Uss Pal Ko Apne Paas….
Dil Mein Jalaye Rakh Ek Aas….
Aate Rahenge Yeh Pal Tere Paas…
Hai Kuchh Pal Iss Zindagi Mein…
Inhe Haste Haste Jiye Jaa…
Woh Tapri Pe Doston Ke Saath Chai…
Woh Kehna “Mera Ek Kaam Kar De Bhai…”
Raatein Kati Hai Uske Saath Phone Pe…
Mehekti Hai Yaadein Aaj Bhi Uske Chehre Se…
Koi Leke Aao Inhi Lamho Ko Wapas….
Tarasti Nigaahein Sab Ko Dekhne Ke Liye Bas…
Hai Kuchh Pal Iss Zindagi Mein…
Inhe Chhupa Le Apne Dil Ke Paas….
Na Aayenge Yeh Pal Kabhi Dobara…
Waqt Nikaal Ne Pe Bhi Na Hogi Mulaqat…
Niraash Na Ho Fula Khushi Ka Gubbara…
Utha Phone Aur De Waqt Ko Maat…
Jo Mil Paaye Saare Log Ek Saath….
Fir Jannat Swarg Yahin Hai Tere Haath…
Hai Kuchh Pal Iss Zindagi Mein…
Inhe Bhar De Muskurahaton Ke Saath!!!
